Those, Who are real Losers

Translation by   

Fathe Muhammad Jalandari (Urdu) Muhammad Assad (English) Yousaf Ali (English) Ahmed Ali (Urdu) M.M.Pickthall (English) M.Habib Shakir (English) Dr. Mohsin Khan (English)

بھلا تم نے ان لوگوں کو نہيں ديکھا جن کو کتاب سے حصہ ديا گيا ہے کہ بتوں اور شيطان کو مانتے ہيں اور کفار کے بارے ميں کہتے ہيں کہ يہ لوگ مومنوں کي نسبت سيدھے رستے پر ہيں4:51

يہي لوگ ہيں جن پر خدا نے لعنت کي ہے اور جس پر خدا لعنت کرے تو تم اس کا کسي کو مددگار نہ پاؤ گے4:52

اور جن لوگوں نے اپنےدين کو کھيل اور تماشا بنا رکھا ہے اور دنيا کي زندگي نے ان کو دھوکے ميں ڈال رکھا ہے ان سے کچھ کام نہ رکھو ہاں اس (قرآن) کے ذريعے سے نصيحت کرتے رہو تاکہ (قيامت کے دن) کوئي اپنے اعمال کي سزا ميں ہلاکت ميں نہ ڈالا جائے (اس روز) خدا کےسوا نہ تو کوئي اس کا دوست ہوگا اور نہ سفارش کرنے والا. اور اگر وہ ہر چيز (جو روئے زمين پر ہے بطور) معاوضہ دينا چاہے تو وہ اس سے قبول نہ ہو يہي لوگ ہيں کہ اپنے اعمال کے وبال ميں ہلاکت ميں ڈالے گئے ان کے لئے پينے کو کھولتا ہوا پاني اور دکھ دينے والا عذاب ہے اس لئے کہ کفر کرتے تھے 6:70

اور يہ لوگ خدا کي سخت سخت قسميں کھاتے ہيں کہ اگر ان کے پاس کوئي نشاني آئے تو وہ اس پر ضروري ايمان لے آئيں. کہہ دو کہ نشانياں تو سب خدا ہي کے پاس ہيں. اور (مومنو!) تمہيں کيا معلوم ہے (يہ تو ايسے بدبخت ہيں کہ ان کے پاس) نشانياں آ بھي جائيں تب بھي ايمان نہ لائيں 6:109

اور (وہ ايسے کام) اس ليے بھي (کرتے تھے) کہ جو لوگ آخرت پر ايمان نہيں رکھتے ان کے دل ان کي باتوں پر مائل ہوں اور وہ انہيں پسند کريں اور جو کام وہ کرتے تھے وہ ہي کرنے لگيں 6:113

جن لوگوں نے اپني اولاد کو بيوقوفي سے بے سمجھي سے قتل کيا اور خدا پر افترا کر کے اس کي عطا فرمائي کي ہوئي روزي کو حرام ٹہرايا وہ گھاٹے ميں پڑ گئے وہ بےشبہ گمراہ ہيں اور ہدايت يافتہ نہيں ہيں 6:140

تو اس سے زيادہ ظالم کون ہے جو خدا پر جھوٹ باندھے يا اس کي آيتوں کو جھٹلائے. ان کو ان کے نصيب کا لکھا ملتا ہي رہے گا يہاں تک کہ جب ان کے پاس ہمارے بھيجے ہوئے (فرشتے) جان نکالنے آئيں گے تو کہيں گے کہ جن کو تم خدا کے سوا پکارا کرتے تھے وہ (اب) کہاں ہيں؟ وہ کہيں گے (معلوم نہيں) کہ وہ ہم سے (کہاں) غائب ہوگئے اور اقرار کريں گے کہ بےشک وہ کافر تھے 7:37

کيا يہ لوگ خدا کے داؤ کا ڈر نہيں رکھتے (سن لو کہ) خدا کے داؤ سے وہي لوگ نڈر ہوتے ہيں جو خسارہ پانے والے ہيں 7:99

جو لوگ کافر ہيں اپنا مال خرچ کرتے ہيں کہ (لوگوں کو) خدا کے رستے سے روکيں. سو ابھي اور خرچ کريں گے مگر آخر وہ (خرچ کرنا) ان کے ليے (موجب) افسوس ہوگا اور وہ مغلوب ہوجائيں گے. اور کافر لوگ دوزخ کي طرف ہانکے جائيں گے8:36

تاکہ خدا ناپاک کو پاک سے الگ کر دے اور ناپاک کو ايک دوسرے پر رکھ کر ايک ڈھير بنا دے. پھر اس کو دوزخ ميں ڈال دے. يہي لوگ خسارہ پانے والے ہيں 8:37

جانداروں ميں سب سے بدتر خدا کے نزديک وہ لوگ ہيں جو کافر ہيں سو وہ ايمان نہيں لاتے8:55

الزام تو ان لوگوں پر ہے. جو دولت مند ہيں اور (پھر) تم سے اجازت طلب کرتے ہيں (يعني) اس بات سے خوش ہيں کہ عورتوں کے ساتھ جو پيچھے رہ جاتي ہيں (گھروں ميں بيٹھ) رہيں. خدا نے ان کے دلوں پر مہر کردي ہے پس وہ سمجھتے ہي نہيں 9:93

يہي ہيں جنہوں نے اپنے تئيں خسارے ميں ڈالا اور جو کچھ وہ افتراء کيا کرتے تھے ان سے جاتا رہا 11:21

بلاشبہ يہ لوگ آخرت ميں سب سے زيادہ نقصان پانے والے ہيں 11:22

کہہ دو کہ ہم تمہيں بتائيں جو عملوں کے لحاظ سے بڑے نقصان ميں ہيں 18:103

وہ لوگ جن کي سعي دنيا کي زندگي ميں برباد ہوگئي. اور وہ يہ سمجھے ہوئے ہيں کہ اچھے کام کر رہے ہيں 18:104

يہ وہ لوگ ہيں جنہوں نے اپنے پروردگار کي آيتوں اور اس کے سامنے جانے سے انکار کيا تو ان کے اعمال ضائع ہوگئے اور ہم قيامت کے دن ان کے لئے کچھ بھي وزن قائم نہيں کريں گے 18:105

يہ ان کي سزا ہے (يعني) جہنم. اس لئے کہ انہوں نے کفر کيا اور ہماري آيتوں اور ہمارے پيغمبروں کي ہنسي اُڑائي 18:106

Back to List View : Arabic Text